Silav Darayê kal, ez ciwantiya te me. Navê min di nasnameyê de hê jî Bilal e. Lê belê der û dora min û ez em ji bo te navê Dara bikartînin. Îro 9ê Sibata 2018an e. Ez şeveke weke ya îşev di sala 1989an de li Batmanê ya ku di bin dagirkeriya Tirkan de ye hatime dinê. Dema ez hatime dinê zivistana wê salê pir dijwar bû ye. Li gor ku dayîka min qal dike berfê xwe gihandiye şaxên darên tûyan. Sir û seqem bû ye. Weke her zivistanê wê zivistanê jî cêlana gund tune bûye. Rihmetiya pîrka min ji bo ez bême dinê ji dayîka min re bûye alîkar. Werhasil dema ez hatime dinê wisa spî bû me ku te digot qey glokek berf e di destê pîra te de, digot diya min.
Îro ez ketim 28 saliya xwe ango 28 qediya nizanim serê min bi van hesaban diêşê. Ez ê ji te re qala îro ya Batmanê û halê Kurdistanê bikim. Ez rojnameger im û çendîn rojnameyên kurdî - tirkî û îngilîzî de dixebitim. Dibe ku tu meraq bikî gelo wê demê ez di kîjan rojnameyan de xebitî me û min çi karî kiriye. Ji bo vê yekê ez ê her rojnameyekê û lînkekî bo te li vir deynim da ku tu bikaribî xwe bigihînî wan nûçeyan. Peyamakurd / Ahvalnews / Basnews ligel vê çalakbûna xwe jî mixabin debara me bi zorê dibe. Hê ne zewicî me û ji keçekê jî gelek hez dikim. Nizanim gelo ev keç tê bîra te an nayê.
Welat dinale...
Welat ji çar aliya ve di bin dagirkeriyê de ye. Dema tu vê nameyê dixwînî hêvîdar im li Kurdistana azad bî. Tu îro kal î û neviyên te niha li dora te ne. Di wê baweriyê de me tu piştî teqawidbûnê çûyî gundê bavo, Dirbêsa. Ez niha weke koçeran her carê li deverekê dijîm. Niha li Batmanê me û vê nameyê ji te re dişînim. Sibê ez ê ber bi Sirbistanê ve biçim. Heta çend rojan ez ê li wir bim ji bo bernameyeke Yekîtiya Ewropa. Niha YE ne mabe jî ez bawerim tu yê di derheqê wê de xwedî agahî bî. Ji ber vê jî hewce nake ez ji te re qala YEyê bikim. Welat me digot. Ev 20 roje dewleta tirk êrîşê Efrîna Rojavayê Kurdistanê dike û gelek sivîl jî dibin qurbaniyên van êrîşan. Li Bakur û Tirkiyeyê jî ew kesê ku li hemberî operasyon û êrîşa tirkan a li ser Efrînê derkeve tên darizandin.
Dibe ku rêzimana min ne baş be jî, dema te xwend tu nebêjî ev çi hale ha. Ji ber ku perwerdehiya zimanê kurdî hîna jî li Tirkiyeyê qedexe ye. em ji derve yanî tenê ji pratîkê hînî nivîsandin û xwendina zimanê xwe bûne. Baş bifikire. Îsal ji ber ku Başûrê welêt referandûma serxwebûnê pêkanî hemû cîhan li hemberî kurdan derket û di encamê de jî kerkûk û gelek deverên dinê hatin dagirkirin ji aliyê dagirkeran ve. Werhasil name pir dirêj dibe lê derd û kulên dilê me qet kêm nabin.
Daxwaza ji Darayê kal.
Ev nêzîkî 60 - 70 sale ez vê bedenê ji bo ku tu îro bi awayekî tendûristî bijî xwedî dikim. Di derûnî û kurahiya sedsala 20mîn ta îro min ji bo te vê gorevê kir. Ji kerema xwe re li bedena xwe baş binêre û her tim hay ji delaliya xwe hebe. Nizanim gelo tu hê jî wisa tolaz î..:)
Ji keçikên xwe re her tim baş be. Wan hînî zimanên biyanî jî bike da ku bikaribin ji xwe re li cîhanê bigerin. Hesûdiya neke bila kurên te ji te çêtir bin. Wan ji zarokatiyê va hînî lêgerîna takekesiyê bike. Ew kesê bi xwe nizanibe bi tu tiştî jî nizane. Nekeve pey debara xwe û wan jiyanê li wan heram neke. Bila zanebin. Qezenckirina pereyan hêsan e. Niha bi xatirê te eger rojekê dîsa ez derfet bibînim ez ê bo te binivîsim.
09/02/2018
GAP/Batman
Yorumlar
Yorum Gönder